மாணவன்

கடல் அலைபோல்
ஓயாத ஆர்ப்பாட்டம்
மாணவப் பருவம்

கொஞ்சம் குறும்பு
நிறைய மகிழ்ச்சி
அடங்காத திமிர்
அத்தனைக்கும் சொந்தக்காரர்கள்

நீங்கள் செய்யும் சேட்டைகள்
ஏராளம்
நான் சொல்லவா
ஏராளம்


புரட்டைத்தலைப் பித்தன்
கனவு காணச்சொன்னதை
மெய்ப்பிக்கிறார்கள்
மதியவேளை வகுப்பறையில்
கண்ணைத் திறந்துகொண்டு
கனவு காணும்
நவீனச் சித்தர்கள்

பிள்ளையார் சுழிபோட்டு
பிழையாக நீ எழுதிய
தேர்வுத்தாளைப் பார்த்து
பைத்தியம் பிடித்தது
ஆசிரியருக்கு

புகைவண்டி நிலையத்தின்
ஆராவாரச் சத்தம்
மணியடித்ததும்
மயான அமைதி
மௌன ஊர்வலத்தில்
மூகாரிராகம் ஒலிக்கிறது
திரித்திரிப் பொம்மக்கா
தில்லாலங்கடி பொம்மக்கா
ஆசிரியர் வருகிறார்
தெரியாமா மறைஞ்சுக்கோ
இப்படி
கண்ணைக்கட்டி வித்தைகாட்டும்
சித்து விளையாட்டு
தேர்வு அறையில்

மாணவனின் தேர்வுத்தாள்
சரியாக எழுதவில்லை
காரணம் கேட்டேன்
முந்தையநாள் கிரிக்கெட் போட்டியில்
இந்தியா வென்றது
மகிழ்ச்சியில் படிக்கவில்லை
பின்னொருநாளில்
மற்றொரு மாணவன்
சரியாக எழுதவில்லை
காரணம் கேட்டேன்
இந்தியா தோல்வியடைந்தது
துக்கத்தில் படிக்கவில்லை

மகிழ்ச்சியோ துக்கமோ
படிக்கமாட்டேனென்று
சத்தியப் பிராமாணம் செய்கிறான்
புத்தகத்தில்

கல்லூரி பண்டகசாலை
படிப்பு லட்டு உருண்டை
மாணவர்கள் எறும்பு
இனிப்பை நாடும் எறும்புபோல
படிப்பை நாடனும் மாணவர்களே

ஆதிமனிதன்
அவதாரம் எடுத்திருக்கிறான்
கால்ச்சட்டைப் பையில்
வால்முளைத்த
அடையாள அட்டை

வேடந்தாங்கல் பறவைகளின்
விநோதச் சத்தம்
நூலகத்தில்
அண்ணல் அம்பேத்கர்
அறிஞர் அண்ணாவை
ஈன்றெடுத்த கருவறை

சரஸ்வதியை விற்று
சரக்கு வாங்கும் இளைஞனே
சற்று யோசித்துப்பார்
நீ குடிப்பது சரக்கல்ல
சயனைடு குப்பி

சுடுகாட்டில் நிம்மதியில்லை
தாத்தாவுக்கும் பாட்டிக்கும்
அடிக்கடி விடுப்பெடுக்கும்
பேரக்குழந்தை

கிரிக்கெட் மைதானம்
அரசுப்பேருந்து
சாதாரணமாக
ளiஒநச அடிக்கிறாய்
அசாதாரணமாக
ரன் எடுக்க முடியாமல்போனால்
ழரவ ஆகிவிடுவாய் மவனே
ஆள் ழரவ ஆகிவிடுவாய்

பட்டுவண்ண நூலெடுத்து
பக்குவமாய் நெசவுசெய்யும் பிரம்மா
ஆசிரியர்
உன்னை உருவாக்கும்
ஆசிரியரை மதி
படைப்பின் ரகசியத்தைக்
கற்றுக்கொள்

கர்மவீரர் காமராசர்
பேரறிஞர் அண்ணா
நாட்டை ஆளும்வரை
அரசியல் புனிதம்
தற்காலிகமாக
சாக்கடைநீர் சங்கமித்திருக்கிறது
துப்புரவு செய்வது
மாணவர்களின் கடமை

பழுத்தபழம் உதிர்த்தது
ஒருவார்த்தை
இந்தியா
2020-இல் வல்லரசாகும்
இளந்தளிரே
இன்னுமா தயக்கம்
2015-குள்
கனவை நனவாக்கு

ஆசிரியராகத் துடிக்கும்
அறிவாளர்களே
விண்ணில் ஏவுகணைவிடும்
விஞ்ஞானிகளே
வருங்கால முதலமைச்சர்களே
நாளைய நட்சத்திரங்களே
உங்கள் கனவு நனவாக
வாழ்த்துக்கள்

முத்து லட்சுமி
உதவிப் பேராசிரியர், தமிழ்த்துறை